13 enero 2020

GASTO PÚBLICO E ESTADO DE BENESTAR (II)




Amancio Prada y Cuco Pérez. Nadie la llama y viene 


GASTO PÚBLICO E ESTADO DE BENESTAR   (II)

Gastos das Administracións Públicas en España. Clasificación funcional ano 2011


                                                                          Valor (mill. de  )    % Total     % do PIB   
SERVIZOS PÚBLICOS BÁSICOS                                94.538              19.7             9.0
    Servizos xerais                                                          60.113              12.6            5.7
    Defensa                                                                     11.205                2.3            1.1
    Xustiza, orde pública e seguridade                           23.220                4.8            2.2
ESTADO DE BENESTAR                                            313.385               65.3          29.4
    Pensións                                                                  113.255               23.6          10.7
    Desemprego                                                              29.831                6.2            2.8
    Enfermidade, familia, exclusión                                 20.723                4.3            1.9
    Servizos sociais e outros gastos                                15.606                3.3            1.5
    Saúde                                                                         67.500               14.1           6.3
    Educación                                                                  50.440               10.5           4.7
    Cultura, deporte e relixión                                         16.030                 3.3           1.5
ASUNTOS ECONÓMICOS                                           55.833                11.6           5.2
MEDIO AMBIENTE E SERV.COMUNIT.                       16.317                 3.4            1.5
    Promoción do medio ambiente                                    9.903                 2.1           0.9
    Vivenda e servizos comunitarios                                 6.414                 1.3           0.6

                   TOTAL GASTOS                                      480.073               100            45.1

A clasificación funcional móstranos o destino final dos recursos públicos e a súa translación ao cidadán en forma de prestacións e servizos públicos.
Case as dúas terceiras partes do gasto destínanse ás actividades do Estado de Benestar (65,3%), destacando as Pensións (23.6 %), Saúde (14.1%), Educación (10.5%) e Desemprego (6,2%).
As Pensións (23,6 %) medraron polo aumento do número de pensionistas e o incremento da pensión media. O maior número de pensionistas é polo aumento demográfico do número de persoas que chegan á xubilación e da vida media dos pensionistas e por outra banda pola ampliación dos colectivos beneficiarios (agrarios, autónomos) e as xubilacións anticipadas das empresas. Na actualidade hai 9,7 millóns de pensionistas.
O crecemento da pensión media foi por causas vexetativas e discrecionais (vinculación ao índice de prezos).

O sistema español de pensións é “de reparto”, os activos de cada momento aportan os fluxos que reciben os pensionistas dese período. Os anos e a contía do cotizado por cada un só serve para estabelecer a base da percepción, pero non hai unha correspondencia automática como nos réximes “de capitalización”, onde se igualan o valor de capitalización das achegas e a contía percibida no momento da xubilación. Por iso é polo que o sostemento do sistema depende da relación a longo prazo entre cotizantes e perceptores, así como da evolución das cotizacións e pensións medias, O aumento do desemprego reduciu o número de cotizantes por baixo de dous cotizantes por cada pensionista, o que pon en dúbida a súa viabilidade sen cambios no longo prazo.


O aumento da idade de xubilación dos 65 aos 67 anos de forma gradual até 2027, a ampliación do período de cómputo da pensión de 15 a 25 anos e a introdución dun factor de sostemento, son medidas que entraron en vigor en 2013 para paliar o déficit estrutural. A garantía de continuidade do sistema obriga a novos cambios na fórmula do cálculo da pensión como alongamento do período a toda a vida laboral, aumento do número de anos cotizados para acceder ao 100 por 100 da base reguladora e a indexación anual das pensións con indicadores alternativos ou complementarios ao IPC.

Os gastos de Saúde (14,1%) e Educación (10.5%) son os dous servizos públicos máis relevantes do Estado do Benestar, realizado polo sector público e polo privado mediante concertos. Se xestionan desde as Comunidades Autónomas que posúen as competencias básicas do Estado do Benestar.

Os Servizos Públicos Básicos (19,7 %) son gastos estables ao longo da 1ª década do século.

Finalmente, o crecemento do gasto en Asuntos Económicos debeuse ao investimento en infraestruturas: ferrocarrís, estradas e vías urbanas, pero a crise económica obrigou a unha brusca caída do investimento público.


Síntese feita do estudo de José Mª Serrano Sanz y Eduardo Bandrés. Civitas.  




No hay comentarios: