17 marzo 2020

INGRESOS PÚBLICOS



Cánovas, Rodrigo, Adolfo y Guzmán. Solo pienso en ti



INGRESOS PÚBLICOS

En 1977 introdúcese a imposición sobre a renda e o patrimonio e culmínase en 1986 coa implantación do Imposto sobre o valor engadido (IVE) coincidente co ingreso de España na Unión Europea. Con estes cambios a nosa fiscalidade asimilouse á vixente nos países comunitarios.

Ingresos das Administracións Públicas en España, en 2011.

                                                                             Valor (mill. de €    % Total     % do PIB

IMPOSTOS S/ PRODUCIÓN E IMPORT.                  . 104.956           27.6              9.9
Imposto sobre valor engadido (IVA)                               55.412           14.6               5.2
Imp. s/consumos específicos                                          22.719            6.0                2.1
Outros imp.s/producc. e import.                                      11.379            3.0                1.1
IBI, IAE, Licenzas, Taxas.                                               15.446           4.1                1.5
IMP.S/RENDA, PATRIMONIO E CAPITAL                    105.498         27.8                9.9
Imp. Renda  Personas Físicas (IRPF)                             79.076         20.8                7.4
Imp. s/Sociedades                                                           19.852          5.2                 1.9
Imp. s/Patrimonio                                                                    56           0.0                0.0
Imp. s/Sucesións                                                                2.220          0.6                 0.2
Imp. Locais (terreos, tracción mecánica…)                       4.058           1.1                0.4
Outros impostos                                                                   236           0.1                0.0
COTIZACIÓNS SOCIAIS                                               140.035        36.9              13.2
Rendas da produción                                                         10.582         2.8                1.0
Outros ingresos                                                                 18.600         4.9                1.7

TOTAL INGRESOS                                                         379.671        100              35.7


Os ingresos das Administracións Públicas españolas nútrense sobre todo de tres partidas as cotizacións sociais que proporcionan o 37 % de todos os ingresos públicos, os impostos directos (sobre a renda. patrimonio e capital) cos que se recada o 28 %, e os impostos indirectos (sobre a produción e as importacións) que supoñen tamén o 28 %.

As cotizacións sociais aportan financiamento ao sistema de Seguridade Social e supoñen máis da terceira parte do total de ingresos públicos en 2011
A diminución do número de cotizantes a S.S.pola crise económica, xera temores sobre
o seu sostemento.

O imposto sobre a renda (IRPF) aportou por si só máis do 20 % de todos os ingresos públicos. O imposto sobre Sociedades foi moi afectado pola crise económica, caendo a súa recadación.

Os impostos sobre a produción e as importacións,os indirectos, son moi sensíbeis á conxuntura económica, e caeron ata o 10 % do PIB en 2011. Aquí o principal tributo é o IVE que aporta el só o 14,6 % do total.

Os grandes impostos (IRPF, IVE, Sociedades) son recadados pola Axencia Tributaria do Estado (excepto País Vasco e Navarra) e este financia ás Comunidades Autónomas a través de transferencias.

A presión fiscal da economía española foi do 39 % en 2007, tres puntos por baixo da Unión Europea. Con todo, coa crise económica, os ingresos públicos caeron en España, máis de cinco puntos porcentuais, o que explica o seu avultado déficit orzamentario.



 Síntese feita do estudo de José Mª Serrano Sanz y Eduardo Bandrés. Civitas


No hay comentarios: