John Kennedy Toole non conseguiu ver publicada en vida
"A conxura dos necios", senón que foi a súa nai, once anos despois do
seu suicidio, quen lle presentou a novela ao escritor Walker Percy. "A
conxura dos necios" publicouse en EE.UU no ano 1980 e tivo tanto
éxito que ao ano seguinte o autor recibiu, a título póstumo, o Premio
Pulitzer de ficción.
"A conxura dos necios" é unha crítica demoledora
da sociedade estadounidense contemporánea, e cuestiona de cheo os sistemas
económico, relixioso e social.
Ignatius Reilly é unha representación grotesca do heroe
moderno: intelectual e lacazán, de aspecto excéntrico e desaseado, de conduta
maniática e crenzas absurdas e anticuadas. Un repoludo hipocondriaco que
provoca ao mesmo tempo a risa e a mágoa.
Ignatius cuestiona unha sociedade que non comprende, mais
nela ten que actuar, coma se fose un novo Quixote, para poder sobrevivir.
No hay comentarios:
Publicar un comentario